鯊魚 | 水產百科網

鯊魚，或者寫鯊，係魚超綱之下，軟骨魚綱之中嘅動物。同近親魔鬼魚一樣，鯊魚​只有軟骨，冇真正嘅骨。鯊魚有5至6條鰓裂，而條尾就有鰭、冇毒。全球有 ...

鯊魚，或者寫鯊，係魚超綱之下，軟骨魚綱之中嘅動物。同近親魔鬼魚一樣，鯊魚只有軟骨，冇真正嘅骨。鯊魚有5至6條鰓裂，而條尾就有鰭、冇毒。全球有超過365個鯊魚品種，當中只有36種有真正襲擊過人。

鯊魚嘅繁殖方法因品種而異，卵生、胎生全部有齊。所以除非知道品種，否則唔可以答繁殖方式。

鯊魚有超過400個品種[1]，分別隸屬8個目：扁鯊（Squatiniformes）、鋸鯊（Pristiophoriformes）、角鯊（Squaliformes）、錐齒鯊（Carcharhiniformes）、六鰓鯊（Hexanchiformes）、鼠鯊（Lamniformes）、鬚鯊（Orectolobiformes）同虎鯊（Heterodontiformes）。當中鯨鯊最大條。

鯊魚牙會不斷出，不斷換。生喺口入邊嘅牙不斷向外推，出邊嘅牙就會甩，好似輸送帶噉。牙嘅形狀唔係個個品種都一樣，而係同佢哋嘅食物有關，所以喺全球都可以搵到鯊魚牙。

鯊魚係食物鏈中嘅頂級捕獵者。食物按鯊魚品種而定，由微生物以至海獅、海豹等大型海洋哺乳動物都有。因為佢哋會處理動物屍體，同埋控制某啲捕獵者嘅數量，所以有助維持生態平衡。

由於中國人好鍾意用鯊魚嚟做食物，尤其係魚翅，令鯊魚數量越來越少，所以有需要受保護。

喺香港水域，至今紀錄有 8 種鯊魚出沒，亦有 5 個泳客被鯊魚咬死。全部都發生喺西貢水域，其中1995年6月，重係喺兩星期內有 3 位泳客遇害。但係鯊魚並唔只喺西貢出沒，喺港島中灣、赤柱同南灣等地方亦有鯊魚蹤影。2006年8月31號，康文署喺石澳泳灘嘅防鯊網外發現 2 條灰礁鯊嘅屍體。 ...