鯨鯊 | 水產百科網

鯨鯊（學名Rhincodontypus），又叫做豆腐鯊，係鬚鯊目嘅一種，屬於鯨鯊科，​鯨鯊屬中唯一嘅一種鯊魚，亦係現時世界上最大嘅魚，可以大成28米，個頭好扁，​ ...

出自維基百科，自由嘅百科全書

鯨鯊（學名Rhincodon typus），又叫做豆腐鯊，係鬚鯊目嘅一種，屬於鯨鯊科，鯨鯊屬中唯一嘅一種鯊魚，亦係現時世界上最大嘅魚，可以大成28米，個頭好扁，口又闊，同鬚鯊科，姥鯊科一樣，都係食浮游生物。個口可以張開到 1.5 米，有 300 排細牙，鰓係海綿狀，一個鐘可以過濾 600 立方米嘅海水。

鯨鯊生活響熱帶同亞熱帶海洋入面，喺加勒比海、非洲東西海岸、菲律賓、台灣、南中國海附近都有發現，一般只會單獨活動，喺近海洄游，游得好慢，而且重要不斷咁游。藍灰色嘅身體好大條，兩邊有顯著嘅皮脊、黃色或白色斑點同橫紋，尾鰭上半葉顯著向上反。

鯨鯊係以卵胎生繁殖，魚毛一出世有40-60厘米，一般要等到30年後先會到性成熟期，可以有60-150年命，因為繁殖能力好低，又成日俾人捉嚟食，所以列入易危動物。

鯨鯊嘅最早記錄係1828年，當時喺南非海岸被人發現到嘅。要直到1984年，鯨鯊科先至成為正式嘅一科。